Af■reying og a­sta­a

┴ Sj˙krah˙sinu ß Akureyri er leitast vi­ a­ b˙a ÷llum sj˙klingum og a­standendum eins gˇ­a a­st÷­u og unnt er hverju sinni. ┌tvarp / sjˇnvarp /

Af■reying og a­sta­a

Á Sjúkrahúsinu á Akureyri er leitast við að búa öllum sjúklingum og aðstandendum eins góða aðstöðu og unnt er hverju sinni.

Útvarp / sjónvarp / tölvur:

Útvarp er við hvert rúm og sjónvörp eru ýmist við hvert rúm eða sameiginleg á hverri sjúkrastofu. Þá eru sjónvörp í dagstofu hverrar deildar. Einnig er hægt að hafa með sér tölvur eða myndspilara ef fólk vill, svo og farsíma. Á flestum deildum er aðgengi að nettengdri tölvu fyrir sjúklinga og hægt er að fá nettenginu fyrir fartölvur sem sjúklingar hafa með sér.

Hraðbanki:

Hraðbanki er í kjallara.

Túlkaþjónusta
Hægt er að fá þjónustu túlka. Þú skalt ræða við þinn hjúkrunarfræðing eða lækni finnist þér þú þurfa að nýta þér slíka þjónustu.

Þjónusta prests / kapella:

Sjúkrahúsprestur er starfandi á sjúkrahúsinu. Hann veitir stuðning og sálgæslu sjúklingum og aðstandendum þeirra. Hægt er að fá viðtal við prest þegar óskað er, hafið þá samband við hjúkrunarfræðing. Einnig er hægt að kalla til sóknarpresta á Akureyri, aðra presta eða forstöðumenn safnaða, sé þess óskað, hvenær sem er. Vinsamlega komið beiðnum þar að lútandi til vakthafandi hjúkrunarfræðings. Kapella á 1. hæð er alltaf opin. Fyrirbænastundir fara fram alla miðvikudaga kl. 11.15. Guðsþjónustur eru á stórhátíðum og auglýstar sérstaklega. Sjá betur undir Trúarleg þjónusta.

Sjúklingabókasafn:

Komið er með bókavagn á legudeildir tvisvar í viku, þ.e. á mánudögum og fimmtudögum. Á geðdeild er komið með bókavagn á fimmtudögum.

Mikilvægt er að sjúklingar skili bókunum áður en þeir útskrifast og er merktur kassi fyrir útlánsbækur á hverri legudeild. Nánari upplýsingar um staðsetningu hans gefa ritarar deildanna.

Félagsráðgjöf
Félagsráðgjafi er starfandi alla virka daga á öllum deildum sjúkrahússins. Hægt er að óska eftir þjónustu félagsráðgjafa beint eða í gegnum vakthafandi hjúkrunarfræðinga og lækna.

Markmið félagsráðgjafaþjónustu sjúkrahússins er að veita sjúklingum og fjölskyldum þeirra stuðning í persónulegum málum, þannig að þeim verði auðveldara að fást við daglegt líf, oft út frá breyttum forsendum, s.s.:

  • Varðandi félagsleg réttindi og þjónustu, almannatryggingar og fjárhag.
  • Varðandi tilfinningalega líðan og upplifanir af breytingum sem sjúkdómar og áföll hafa í för með sér

Boðið er uppá einkaviðtöl sem og viðtöl við aðstandendur sjúklings, hjóna- og fjölskylduviðtöl.

Sj˙krah˙si­ ß Akureyri

Eyrarlandsvegi
IS 600 Akureyri

Sími +354 4630100 / Fax +354 4624621

Kt. 580269-2229

sak@sak.is 

Skiptiborð

s.

463 0100

Vaktlæknir

s.

1700

Neyðarlínan

s.

112