GŠ­astarf

GŠ­astefna Sj˙krah˙si­ ß Akureyri hefur sett sÚr gŠ­astefnu ■ar sem grundv÷llur gŠ­astarfsins er sj˙klingurinn og a­standendur hans. Me­ gŠ­astefnunni

GŠ­astarf Sj˙krah˙ssins ß Akureyri

Gæðastefna
Sjúkrahúsið á Akureyri hefur sett sér gæðastefnu þar sem grundvöllur gæðastarfsins er sjúklingurinn og aðstandendur hans. Með gæðastefnunni setur SAk sér þau markmið að:

  • uppfylla væntingar og þarfir sjúklinga sem leita eftir þjónustu innan þess ramma sem ákveðinn er að heilbrigðisyfirvöldum og er samkvæmt viðurkenndum gæðastöðlum.
  • tryggja öllum sjúklingum þjónustu byggða á vísindalegum grunni varðandi rannsóknir, læknismeðferð, hjúkrun og aðra þjónustu og þeim gert kleift að taka þátt í meðferðaráætlunum.
  • skapa aðstæður, sem hvetja hæfasta starfsfólkið til að leita eftir starfi við sjúkrahúsið.
  • stuðla að bestu nýtingu mannafla og aðstöðu.
  • skapa aðstæður og hverja til öflugrar rannsóknarstarfsemi.
  • veita nemendum heilbrigðisstétta kennslu og þjálfun í samræmi við bestu þekkingu hverju sinni.
Forstjóri, framkvæmdastjórn, heilbrigðisstarfsfólk og stjórnendur bera ábyrgð á því að gæðastefnu SAk sé framfylgt. Með gæðastarfi sjúkrahússins skal séð til þess að úrbætur og fyrirbyggjandi aðgerðir sem gripið er til innan stofnunarinnar sé hrint í framkvæmd, árangur mældur og fylgst sé með framvindu þeirra.
 
Gæðaráð
Gæðaráð
er framkvæmdaraðili gæðastefnunnar. Það veitir gæðastarfi forystu og leitast við að bæta öryggi og vinnulag á sjúkrahúsinu í ljósi skráðra atvika, tilvika og afleiðinga þeirra. Gæðaráði er ætlað að fylgjast með stefnum og straumum, finna nýjar leiðir og standa fyrir þróun í gæða- og umbótastarfi. Gæðaráð hefur umsjón með rekstri gæða- og atvikaskráningakerfis sjúkrahússins. Ráðið heldur fundi einu sinni til tvisvar í mánuði.
 
Í gæðaráði sitja sjö fulltrúar lækna, hjúkrunarfræðinga og annarra starfsmanna og þrír til vara. Framkvæmdastjóri bráða-, fræðslu- og gæðasviðs skipar í gæðaráð til þriggja ára í senn.
 
Gæðastjóri er Hulda Rafnsdóttir.
 
Erindi til gæðaráðs
Hægt er að senda ábendingar eða erindi til gæðaráðs með því að smella hér.
 

Sj˙krah˙si­ ß Akureyri

Eyrarlandsvegi
IS 600 Akureyri

Sími +354 4630100 / Fax +354 4624621

Kt. 580269-2229

sak@sak.is 

Skiptiborð

s.

463 0100

Vaktlæknir

s.

1700

Neyðarlínan

s.

112