Eldhús sér um alla matseld fyrir sjúklinga og ber jafnframt ábyrgð á matsal fyrir starfsmenn, nema, aðstandendur sjúklinga og gesti. Í eldhúsi er unnið á þrískiptum vöktum frá kl. 07:30 á morgnana til kl. 20:00 á kvöldin. Það eru framleiddir að jafnaði um 400 matarskammtar í hádegi.
Í eldhúsi starfa næringarrekstrarfræðingur sem jafnframt er forstöðumaður, matartæknar og aðstoðarfólk, auk þess sem næringarfræðingur er starfsfólki eldhúss til aðstoðar.
Ráðlagðir dagskammtar fyrir Íslendinga eru til viðmiðunar við gerð matseðla og norrænar ráðleggingar fyrir sjúklinga sömuleiðis. Eldhúsið sér um að allir sjúklingar fái góðar og næringarríkar máltíðir í samræmi við þarfir þeirra.
Við gerð matseðla er hugað að samspili næringar, bragðs, útlits, gæða og kostnaðar.
Á morgnana er boðið upp á hefðbundin morgunmat. Heitur matur með eftirmat er framreiddur í hádegi og súpa/grautur, smurt brauð og ávöxtur að kvöldi. Heimabakað kaffibrauð er í boði í kaffitíma, kaffibrauð og eða ávextir í kvöldhressingu. Tekið er tillit til hátíðisdaga.
Smellið á tengilinn til að skoða matseðil vikunnar og næringarupplýsingar:
Forstöðumaður eldhúss er Anna Rósa Magnúsdóttir.
Matarmiðar eru seldir á símavakt við inngang B.
Uppfært: fös 26.okt 2018
