Andlát á sér ýmist nokkurn aðdraganda eða það kemur fyrirvaralaust. Hvort sem um er að ræða eru fæstir undir það búnir og þurfa að fóta sig í nýjum aðstæðum.
Á vefsíðu Útfararþjónustu Kirkjugarða Akureyrar má finna hagnýtar upplýsingar um það þegar andlát ber að höndum.
Starfsfólk Sjúkrahússins á Akureyri leggur sig fram um að auðsýna bæði látnum og lifandi virðingu.
Búið er um hinn látna af nærfærni og aðstandendum gefinn kostur á því að eiga nauðsynlega kveðjustund við dánarbeðið. Starfsfólk sér um að kalla til prest ef óskað er.
 |
Uppfært: mið 24.jan 2018
