Sjúkraflutningamenn, með neyðarflutningsréttindi, sem starfa hjá Slökkviliði Akureyrar, fara með í öll flug frá Akureyri og hafa gert frá árinu 1997.
Læknavakt fyrir sjúkraflug hefur verið starfrækt frá Sjúkrahúsinu á Akureyri frá marsmánuði 2002. Megintilgangurinn með þeirri vakt er að koma í veg fyrir að heimilislæknar í dreifbýli þurfi að fylgja sjúklingum og skilja héruðin eftir læknislaus. Sjúkraflugsvaktin er jafnan mönnuð svæfingarlækni eða bráðalækni, þjálfuðum í meðferð loftvega og blóðrásar. Sérstakir verkferlar eru fyrir flutning nýbura og þungaðra kvenna. Hægt er að ná í vakthafandi fluglækni allan sólahringinn í síma 8600565 og 8600566 til ráðfæringa.
 |
 |
 |
Uppfært: fim 16.maí 2019
