Bráðamóttaka / Bráðalækningar

• Forstöðulæknir: Jón Pálmi Óskarsson
• Forstöðuhjúkrunarfræðingur: Kristín Ósk Ragnarsdóttir

 Opið allan sólarhringinn

Sími: 463 0800 / afgreiðsla: 463 0802 / læknaritarar: 463 0810

Á bráðamóttöku Sjúkrahússins á Akureyri fer fram fjölbreytt starfsemi. Meginverkefni deildarinnar er móttaka bráðveikra og slasaðra en annar stór hluti starfseminnar felst í að sinna þeim sjúklingum sem koma í endurkomur/eftirlit vegna áverka sinna eða veikinda. Í húsnæði deildarinnar er móttaka sérfræðilækna. Miðstöð áfallahjálpar er starfrækt í tengslum við deildina sem og neyðarmóttaka fyrir fórnarlömb nauðgana.

Verkefni: Hlutverk bráðamóttöku er að taka á móti, greina og meðhöndla einstaklinga sem þangað leita vegna slysa og/eða bráðra sjúkdóma. Til að tryggja öryggi allra sjúklinga þarf að forgangsraða einstaklingum eftir eðli og alvarleika veikinda eða slyss. Með forgangsflokkun sjúklinga á bráðamóttöku er unnið að því að tryggja öryggi sjúklinga þannig að allir sem þangað leita fái viðeigandi þjónustu.

Sjúklingar eru því ekki endilega kallaðir inn á deildina eftir komutíma heldur eftir forgangsröðun.

Þjónustutími: Opið allan sólarhringinn allan ársins hring.

Gjaldskrá: Sjúkratryggingar Íslands.

Tímapantanir: Ekki er hægt að panta tíma.