Forstöðumaður er Jóna Valdís Ólafsdóttir.
Sjúkrahúsapótek sér um innkaup og birgðahald á lyfjum, dreifingu þeirra á deildir sjúkrahússins og blöndun á krabbameinslyfjum til gjafar í æð fyrir dagsjúklinga og inniliggjandi sjúklinga. Sjúkrahúsapótekið er einnig í samstarfi við almenn apótek á þjónustusvæði Sjúkrahússins á Akureyri um afhendingu sjúkrahúslyfja.
Markmið sjúkrahúsapóteksins er að gera hagstæð innkaup á lyfjum, bæta nýtingu þeirra í nánu samstarfi við annað heilbrigðisstarfsfólk sjúkrahússins og sjá til þess að lyf séu geymd og meðhöndluð við tilskildar aðstæður.
Í sjúkrahúsapótekinu eru starfandi tveir lyfjafræðingar.
Sjúkrahúsapótekið er opið frá kl. 08:00 að morgni og a.m.k. til kl. 16:00 alla virka daga nema laugardaga. Um helgar er allra nauðsynlegustu lyfjapöntunum sinnt eftir því sem í lyfjafræðing næst, en ekki er bakvakt.
Sjúkrahúsapótekið er ekki opið almenningi
Uppfært: mið 24.jan 2018
