Gata sólarinnar 6

 GATA SÓLARINNAR 6 VIÐ KJARNASKÓG

Sjúkrahúsið á Akureyri og Heilbrigðisstofnun Norðurlands sjá um rekstur þessa húsnæðis.
Íbúðin er ætluð fyrir einstaklinga ásamt aðstandendum þeirra sem þurfa veikinda sinna vegna að dvelja fjarri heimili sínu í ákveðinn tíma og þurfa sérhæfða einkennameðferð eða lífslokameðferð. Með tilkomu húsnæðisins er fjölskyldum (mökum, börnum) og öðrum aðstandendum gert kleift að dvelja í hentugu húsnæði ef þörf er á. Þeir einstaklingar sem eru í lífslokameðferð sitja (ávallt) fyrir leigu á þessari íbúð.

HÚSNÆÐIÐ, UMGENGNI OG REGLUR

Húsnæðið er 100m2 að stærð, þrjú herbergi eru í húsinu sem hefur 5 rúmstæði og tvö baðherbergi með sturtu. Í eldhúsi er ísskápur með frysti, eldavél, bakarofn, örbylgjuofn og uppþvottavél ásamt hefðbundnum eldhúsbúnaði. Borðbúnaður er fyrir 12 manns. Þvottavél og þurrkari eru í geymslu sem er áföst húsinu.

Sjónvarp og netaðgangur er í húsinu.
Þvottavél og þurrkari eru í útigeymslu.
Á verönd eru útihúsgögn og heitur pottur.

Reykingar eru bannaðar í húsinu og gæludýr eru því miður ekki leyfð.

Forgangshópar:

1. Einstaklingur í lífslokameðferð sem getur ekki dvalið í eigin húsnæði og þarf umönnun heimahlynningar.
2. Einstaklingur í einkennameðferð og þarf umönnun heimahlynningar.

Leigutími: Íbúðin er leigð að hámarki viku í senn, en hægt er að leigja íbúðina lengur ef einstaklingur í forgangshópi er ekki á biðlista.
Leigukostnaður: Verð fyrir hvern sólarhring er 4.500 krónur, vikuleiga 25.000 krónur.
Afhending lykla: Lyklabox er við húsið og fær viðkomandi upplýsingar um númer við upphaf leigu.

Þegar íbúð er pöntuð skal fylla út eyðublað Umsókn um leigu á íbúð - Gata sólarinnar 6

Nánari upplýsingar um íbúðina og bókanir í síma 830-8628 alla virka daga milli kl. 10:00-14:00. Utan þess tíma í síma 860-4666.

ALMENNAR REGLUR OG LEIÐBEININGAR VARÐANDI HÚSNÆÐIÐ

Dvalargestur og aðstandendur hans eru beðnir að ganga snyrtilega um húsnæðið meðan á dvöl stendur og skila íbúð snyrtilegri.

Mikilvægt er að láta vita í síma 8604666 ef eitthvað skemmist eða vantar í íbúðina við komu eða brottför.

VIÐ BROTTFÖR

• Tæma ísskáp og þrífa.
• Þrífa örbylgjuofn.
• Taka rúmföt af rúmum og setja í þvottakörfu í útigeymslu.
• Uppþvottavél skal tæmd og leirtaui komið fyrir á sínum stað.
• Þurrkað skal af borði og eldhúsbekk.
• Gólf ryksugað.