Forstöðuheilbrigðisgagnafræðingur: Unnur Ingibjörg Gísladóttir.
Á Sjúkrahúsinu á Akureyri starfa 27 heilbrigðisgagnafræðingar á hinum ýmsu deildum. Flestir starfa innan veggja sjúkrahússins en einn heilbrigðisgagnafræðingur er staðsettur í Kristnesi.
Helstu verkefni heilbrigðisgagnafræðinga eru að skrifa sjúkraskýrslur, dagnótur, læknabréf, skoðanir sérfræðinga, aðgerðarlýsingar, röntgenlýsingar, dánarvottorð og ýmis vottorð fyrir sjúklinga. Auk þess ýmislegt annað sem til fellur s.s. fyrirlestra, ritgerðir, greinar og önnur atriði vísindalegs eðlis á íslensku, ensku eða norðurlandamálum.
Jafnframt starfa fræðingar við móttökustörf á dag- og göngudeildum meðfram skrifum. Þeir hafa milligöngu milli sjúklinga og lækna, taka niður tímapantanir í símatíma alla virka daga o.fl. Einnig aðstoða heilbrigðisgagnafræðingar við undirbúning við innritun sjúklinga á innritunarmiðstöðvum sjúkrahússins.
Tveir skjalaverðir hafa umsjón með sameiginlegu sjúkraskjalasafni.
Heilbrigðisgagnafræðingar starfa eftir ströngum siðareglum og er þeim skylt að gæta þagmælsku um atriði sem þeir fá vitneskju um í starfi sínu og leynt skulu fara samkvæmt lögum og eðli máls.
Uppfært: fim 18.feb 2021
