„Komið er vorið, allt kviknar að nýju, kuldinn og myrkrið er horfið á braut ...“ svo orti Gísli á Uppsölum í kvæðinu sínu Vorkoma. Samkvæmt almanakinu er sumarið komið.
Eitt af verkefnunum sem unnið hefur verið í vetur og kemur að fullu fram í sumar er verkefnið „Betri vinnutími“. Meginmarkmið verkefnisins, sem á rætur að rekja til kjarasamninga 2020, er að stuðla að umbótum í starfsemi, bæta vinnustaðamenningu og auka samræmingu vinnu og einkalífs án þess að draga úr skilvirkni og gæði þjónustu. Fyrir dagvinnumenn tók breytingin gildi um áramótin en fyrir vaktavinnumenn tekur breytingin gildi 1. maí nk. Verkefnið er ein umfangsmesta kerfisbreyting sem gerð hefur verið á vinnumarkaði í langan tíma.
Útfærslan á þessum er breytingum ólík hjá dagvinnufólki og vaktavinnufólki. Það eru miklar áskoranir sem fylgja þessum breytingum en öflugur hópur kemur að undirbúningi og innleiðingu verkefnisins. Í svona viðamiklu verkefni má búast við að upp komi hnökrar sem sníða þarf til á næstu mánuðum svo markmið breytinganna náist fram - við klárum þetta saman. Bestu þakkir til ykkar allra fyrir frábær störf í vetur og bestu óskir um sólríkt og gott sumar.
Munum: ÖRYGGI – SAMVINNA - FRAMSÆKNI
Bestu kveðjur og góða helgi.
Bjarni Jónasson
