Almennt - 21. mars 2018
Í nótt kom einstaklingur í annarlegu ástandi á bráðamóttöku sjúkrahússins vildi fá lyf og sýndi af sér ógnandi hegðun. Öryggisvörður á vakt kallar þá til lögreglu. Viðkomandi einstaklingur fer þá út og brýtur glugga í kjallara og kemst þaðan upp á fæðingadeild. Á deildinni voru sængurkonur makar þeirra og börn. Þar sýndi hann af sér ógnandi hegðun og stofnaði öryggi starfsfólks og sjúklinga í hættu. Lögreglu tókst að yfirbuga manninn áður en skaði hlaust af. Áfallateymi var kallað til í kjölfarið. Öryggisviðbúnaður sjúkrahússins verður endurskoðaður í framhaldi af þessu atviki.
