Sj˙krah˙si­ ß Akureyri hlřtur al■jˇ­lega gŠ­avottun ß starfsemi sinni

Sj˙krah˙si­ ß Akureyri hlřtur al■jˇ­lega gŠ­avottun ß starfsemi sinni Sj˙krah˙si­ ß Akureyri (SAk) hefur hloti­ al■jˇ­lega gŠ­avottun ß starfsemi sinni og

Sj˙krah˙si­ ß Akureyri hlřtur al■jˇ­lega gŠ­avottun ß starfsemi sinni

Sjúkrahúsið á Akureyri (SAk) hefur hlotið alþjóðlega gæðavottun á starfsemi sinni og er fyrsta heilbrigðisstofnunin á Íslandi til að hljóta slíka vottun. Vottunaraðilinn er alþjóðlega fyrirtækið DNV GL sem er eitt af stærstu fyrirtækjum á þessu sviði í heiminum.

Vottunin er samkvæmt þeim kröfum sem staðlar DNV GL International Accreditation for Hospitals gera til sjúkrahúsa. Þetta er fyrsti áfangi á leið til vottunar sjúkrahússins samkvæmt ISO 9001:2015 staðlinum sem stefnt er að árið 2017. Vottunin tekur m.a. til gæðakerfis og gæðastjórnunar, áhættustýringar og áhættumats, skipulags, allrar klínískrar þjónustu, starfsaðstöðu, húsnæðis og réttinda sjúklinga.

Megin drifkrafturinn í þessari vegferð sjúkrahússins, sem hlotið hefur nafnið Gæðingurinn, er aukið öryggi og þjónusta við sjúklinga og bætt starfsaðstaða. Vottunin og sú vinna sem henni tengist skilar markvissari vinnuferlum, auknu öryggi sjúklinga og starfsmanna og tryggir stöðugar umbætur sem munu leiða til skilvirkari þjónustu. Þá skerpir hún á hlutverkum hvers og eins sem m.a. hefur jákvæð áhrif á vinnuumhverfi og samskipti sem eru lykilþættir í starfsánægju. 

Fyrst heilbrigðisstofnana á Norðurlöndunum

Gæði og öryggi heilbrigðisþjónustu hefur lengi verið til umræðu innan heilbrigðisstofnana og í samfélaginu. Sjúkrahúsið á Akureyri setti það sem markmið í framtíðarsýn sinni til 2017 sem samþykkt var í lok árs 2011 að starfsemi þess yrði alþjóðlega vottuð. Ötullega hefur verið unnið að þessu markmiði síðan og nánast allir starfsmenn komið að því verki með einum eða öðrum hætti undir styrkri stjórn gæðaráðs, gæðastjóra, gæðavarða og stjórnenda. SAk er fyrsta heilbrigðisstofnunin á Norðurlöndunum til að hljóta vottun DNV GL.  

Fréttatilkynning frá Sjúkrahúsinu á Akureyri mánudaginn 2. febrúar 2016.

Nánari upplýsingar veita Sigurður E. Sigurðsson, staðgengill forstjóra og/eða Hildigunnur Svavarsdóttir, framkvæmdastjóri bráða-, fræðslu- og gæðasviðs, Oddur Ólafsson, yfirlæknir og formaður gæðaráðs og/eða Jóna Valdís Ólafsdóttir, gæðastjóri í síma 463 0100.

               

 


Sj˙krah˙si­ ß Akureyri

Eyrarlandsvegi
IS 600 Akureyri

Sími +354 4630100 / Fax +354 4624621

Kt. 580269-2229

sak@sak.is 

Skiptiborð

s.

463 0100

Vaktlæknir

s.

1700

Neyðarlínan

s.

112