Almennt - 22. desember 2021 - Lestrar 85
COVID-19-heimsfaraldur veldur auknu álagi á bráðamóttöku SAk. Vegna mikillar fjölgunar smita undanfarið og tilkomu ómíkron-afbrigðisins viljum við koma eftirfarandi á framfæri:
- Vinsamlegast leitið ekki á bráðamóttöku vegna smávægilegra mála eða langvinnra vandamála án bráðrar versnunar.
- Einstaklingar sem leita á bráðamóttöku með vandamál sem ekki eru metin bráð geta átt von á því að verða vísað í önnur úrræði.
- Aðgangur aðstandenda er takmarkaður. Aðstandendum er óheimilt að fylgja skjólstæðingi inn á deildina og að dvelja á biðstofu bráðamóttöku. Undantekningar eru gerðar fyrir börn og þá skjólstæðinga sem vegna fötlunar þurfa fylgd aðstandanda, eða ef sjúkdómsástand eða kringumstæður krefjast nærveru aðstandanda. Í þeim tilvikum er einum aðstandanda leyft að fylgja viðkomandi inn á deildina.
- Mætið ekki í vinnu með einkenni sem gætu verið vegna kórónuveirusmits
- Pantið sýnatöku í gegnum Heilsuveru strax og einkenna verður vart og dragið úr samskiptum við aðra þar til niðurstaða liggur fyrir.
- Gætið að fjarlægðartakmörkunum, sprittið hendur og notið grímu þar sem ekki er hægt að tryggja fjarlægðarmörk.
- Í neyðartilvikum skal hringja í 112.
22.12.2021,
Pálmi Óskarsson forstöðulæknir bráðalækninga SAk
Kristín Ósk Ragnarsdóttir forstöðuhjúkrunarfræðingur bráðamóttöku SAk
