Stuðningsteymi starfsmanna

Við Sjúkrahúsið á Akureyri starfar þriggja manna stuðningsteymi starfsmanna samkvæmt ákvörðun framkvæmdastjórnar. Teymið starfar til hliðar við aðra starfsmannaþjónustu sjúkrahússins og er ábyrgt gagnvart forstjóra. Stuðningsteymið mætir þörfum starfsmanna, þegar álag er í starfi og lífið reynist erfitt á einn eða annan hátt. Starfsmenn teymisins eru bundnir trúnaði og þagnarskyldu. Allir starfsmenn geta nýtt sér stuðning og aðstoð teymisins. Forstjóri í samráði við framkvæmdastjórn skipar þriggja manna stuðningsteymi starfsmanna auk varamanns, úr hópi fastráðinna starfsmanna sjúkrahússins, til tveggja ára í senn.

Hlutverk

• Að stuðla að góðum starfsanda og aukinni vellíðan hjá starfsmönnum stofnunarinnar. 
• Að greina vanda eða vanlíðan einstaklinga og starfshópa. 
• Að veita stuðning og aðstoða við úrvinnslu þegar vanlíðan, áföll og kreppur koma upp vegna skyndilegs eða langvarandi álags. 
• Að styðja starfsmann til að sækja sér áframhaldandi úrvinnslu hjá meðferðaraðilum ef hann óskar þess.