Framkvæmdastjóri handlækningasviðs er Sigurður Einar Sigurðsson. Hann gegnir einnig starfi framkvæmdastjóra lækninga.
Framkvæmdastjórar klínískra sviða heyra beint undir forstjóra. Næstu undirmenn framkvæmdastjóra klínískra sviða eru forstöðumenn. Framkvæmdastjórar klínískra sviða bera faglega og fjárhagslega ábyrgð á sínu sviði, með þeim takmörkunum sem heilbrigðislög setja, og bera ábyrgð á mannauðsmálum, sbr. ábyrgðarlýsingu þeirra.
Framkvæmdastjórum klínískra sviða ber að taka tillit til athugasemda og ábendinga framkvæmdastjóra lækninga og hjúkrunar varðandi öll fagleg málefni. Framkvæmdastjórum klínískra sviða ber að virða þá sýn og framfylgja þeim markmiðum sem framkvæmdastjórar lækninga og hjúkrunar setja fram. Framkvæmdastjórum lækninga og hjúkrunar ber að styðja framkvæmdastjóra klínískra sviða sérstaklega hvað varðar öryggi sjúklinga, starfsþróun og framtíðaráform um mönnun.
Uppfært: mið 17.jan 2018
