Starfsmannaþjónusta framfylgir stefnu framkvæmdastjórnar í starfsmannamálum á hverjum tíma og skal jöfnum höndum tryggja að starfsmenn sinni skyldum sínum og að réttinda þeirra sé gætt í hvívetna. Starfsmannaþjónusta veitir ráðgjöf og aðstoð í starfsmannamálum: Þar á meðal við ráðningaferli, gerð starfslýsinga, árangursmat, starfsmat, starfsþróunarmál starfsmanna og gerð starfsreglna um ýmis framkvæmdaatriði í starfsmannamálum.
Starfsmannaþjónusta hefur umsjón með fræðslu starfsmanna og er mannauðsstjóri formaður fræðslunefndar sem heyrir undir starfsmannaþjónustu. Starfsmannaþjónusta kemur að gerð kjarasamninga eftir atvikum og hefur umsjón með gerð og framkvæmd stofnanasamninga. Starfsmannaþjónusta hefur jafnframt umsjón með launavinnslu.
Heilsuefling starfsmanna fellur jafnframt undir starfsmannaþjónustu. Þá getur hluti af verkefnum starfsmannaþjónustu verið að leiða starfsemi sem lýtur að víðtækri samvinnu starfsmanna, til dæmis á sviði gæðamála og stefnumótunar.
Starfsmannaþjónustan heyrir undir skrifstofu forstjóra. Forstöðumaður starfsmannaþjónustu er jafnframt mannauðsstjóri. Mannauðsstjóri ber ábyrgð gagnvart forstjóra á framkvæmd mannauðsstefnu.
Mannauðsstjóri er Hulda Ringsted.
Uppfært: mið 2.okt 2019
