Starfsmenn

Forstjóri Sjúkrahússins á Akureyri er Hildigunnur Svavarsdóttir. 

Hildigunnur er menntaður hjúkrunarfræðingur og lauk BSc námi í hjúkrun frá Háskólanum á Akureyri árið 1992 og Meistaranámi í heilbrigðisvísindum frá Glasgow Caledonian háskóla í Glasgow, haustið 1997.

Að loknu grunnnámi í hjúkrunarfræði fór hún beint til starfa á slysadeild FSA (nú bráðamóttaka SAk) og starfaði þar með hléum til ársins 2002 er hún tók við starfi skólastjóra Sjúkraflutningaskólans. Hildigunnur hefur einnig komið að fræðslumálunum og starfaði um tíma sem verkefnastjóri fræðslumála við sjúkrahúsið auk þess sem hún gegndi stöðu forstöðumanns deildar kennslu, vísinda og gæða á árunum 2008-2018. Hildigunnur hefur verið lektor við heilbrigðisvísindasvið HA frá haustinu 1998 og séð um og kennt á námskeiðum á sviði bráðaþjónustu, s.s. skyndihjálp, endurlífgun og bráðahjúkrun sem og námskeiða á sviði heilbrigðisfræðslu.

Hidligunnur hefur talsvert komið að málefnum endurlífgunar og verið meðlimur í Endurlífgunarráði Íslands auk þess sem hún hefur tekið virkan þátt í Evrópska endurlífgunarráðinu (ERC) og setið í stjórn ERC. Hildigunnur hefur skipulagt og kennt á fjölda endurlífgunarnámskeið út um allt land.

Hildigunnur tengir saman vinnuna á sjúkrahúsinu við fræðastörf í gegnum starf sitt sem lektor og gegnum þátttöku í hinum ýmsu alþjóðlegu verkefnum.