Í ágúst/september ár hvert eru haldnir kynningadagar þar sem sjúkrahúsin og heilbrigðisstofnanir kynna sig og sína starfsemi. Nefnd um skipulag námsblokka birtir auglýsingu snemma hausts á Starfatorgi og opnar þannig fyrir umsóknir. Senda skal inn rafræna umsókn á www.starfatorg.is en vísa að öðru leyti í póstlögð gögn sem send eru til nefndar um skipulag námsblokka.
Sameiginlegt auglýsingaferli er fyrir læknakandídatsstöður á öllum stofnunum á Íslandi. Umsóknir eru sendar þeim stofnunum sem læknakandídatsefni óskar eftir. Ef meiri aðsókn er á tiltekinn stað þá velur yfirlæknir/kennslustjóri hæfustu umsækjendur, með viðtali ef við á.
Starfsnámsárið hefst 15. júní eða fyrsta mánudag eftir þá dagsetningu. Hægt er að óska eftir að koma inn á starfsnámsárið síðar á árinu en aðeins er tekið inn á 8 vikna fresti til að blokkir riðlist ekki. Blokkir taka allar mið af uppbyggingu starfsnámsárs eins og tilgreint er í reglugerð nr. 467/2015. Reynt er eftir fremsta megni að útbúa skipulag sem mætir óskum hvers læknakandídats.
Í upphafi starfsnámsárs skrifa læknakandídatar undir ráðningarsamning við þá stofnun þar sem meirihluti starfsnámsársins fer fram. Hver stofnun upplýsir læknakandídat um starfslýsingu, ráðningarsamning, launakjör og kennsluáætlun.
Kandídatsstöður 2017-2018
Stefnt er að því að auglýsa
kandídatsstöður á Íslandi fyrir kandídatsárið 2017 – 2018, í september 2016. Þeir sem óska eftir að koma inn á
árið 2016 - 2017 sendi fyrirspurnir á netfangið sigruni@landspitali.is, gjarnan með fylgiskjali með umsókn um kandídatsár og öðrum
umsóknargögnum (sjá lið 7 í fylgiskjalinu).
Uppfært: fös 15.júl 2016
